Amerika nuk e “lëshon” Reformën në Drejtësi. Leyla Moses: Revolucion me konsensus politik
Leyla Moses-Onesh : Reforma në drejtësi nuk ishte asgjë më pak se një revolucion i qetë me konsensus politik dhe ju jeni rojtarët e kësaj përpjekjeje. Përpjekjet tuaja janë të lidhura me të ardhmen më të gjerë të demokracisë së vendit tuaj.
Deri në përfundimin e plotë të saj dhe “testimin” për mbarëvajtje, duket se Ambasada Amerikane në Tiranë nuk ka ndërmet që ta “lëshojë” Reformën në Drejtësi.
E ngarkuara me punë e Ambasadës, Leyla Moses-Onesh, gjatë ceremonisë së diplomomit të Shkollës së Magjistraturës, e ka konsideruar reformën në drejtësi një revolucion të qetë me konsensus të gjerë politik.
“Reforma në drejtësi nuk ishte asgjë më pak se një revolucion i qetë me konsensus politik dhe ju jeni rojtarët e kësaj përpjekjeje. Përpjekjet tuaja janë të lidhura me të ardhmen më të gjerë të demokracisë së vendit tuaj. Udhëtimi juaj do t’ju vendosë në pozicione për të ndërtuar dhe për të mirëmbajtur sistemin e ri gjyqësor të Shqipërisë për dekadat e ardhshme. Kjo ju jep fuqi të jashtëzakonshme, përmes këtyre valëzave, që të ndërtoni – vendim pas vendimi, ditë pas dite – një sistem gjyqësor të ndershëm dhe transparent, pa korrupsion dhe të lirë nga çfarëdo ndikimi kriminal.” tha Zv.Ambasadorja Amerikane.
